“Komanda Leo” -nun Rick Riordanla ilk görüşü

Deməli belə, bu gün düşərgəyə getməmişdən əvvəl sizə Rick Riordan haqqında qısa məlumat vermək istəyirəm. Amma əvvəl Rick ilə tanışlığımdan danışacam.

Mənim Rick əmi ilə tanışlığım, nə yalan deyim, təsadüfən olub. Silsilə kitab oxuyub bitirmişdim və həmişəki kimi kitabın təsirindən çıxa bilmirdim. Günlərcə oxuduğum hadisələri, qəhrəmanları düşünürdüm. Yeni macəra axtarırdım. Tv-də Percy Jackson filmini gördüm. Kitabdan bixəbər olduğum üçün ilk hissə xoşuma gəldi. Amma ilk hissə… Sonra filmin eybi adlı kitaba özənərək çəkildiyini öyrəndim. Bax elə həmin an mənim üçün bayram oldu ☺. Yeni macəranın başlayacağını hiss edirdim. Heç yanılmadım da. İlk kitabı oxuyanda “Komanda Leonun” digər iki üzvü, Afinanın qızı və Poseydonun qızı, kitab qurdları da mənə qoşuldu və biz bu uzun təhlükə, həyəcan, sevinc, kədər dolu yolları birlikdə getdik. Maraqlısı odur ki, oxuduqca özünüz də görəcəksiniz, kitablarda əksər qəhrəmanlar 3-lük təşkil edir. Biz də 3 nəfər idik. Sanki bu bizim taleyimizdə yazılmışdı…

Rick Riordan 1964-cü ildə Texasda anadan olmuşdur. Övladında disleksiya (kitabı oxuduqca xəstəlik haqqında ətraflı məlumatınız olacaq) xəstəliyi olduğuna görə və belə qüsurları olanların cəmiyyətdə xoş qarşılanmaması nəticəsində Rick bir kitab yazır və oğlu bu kitabı çox sevir. Bundan daha da həvəslənən Rick, qollarını çırmalayıb Yunan, Roma, Misir, Skandinaviya və digər xalqların mifalogiyalarına aid gözəl kitablar yazmağa başlayır ki, burada da qəhrəmanlar disleksiya xəstəliyindən əziyyət çəkirlər. İnsanları dininə, irqinə, rənginə, cinsi mənsubiyyətinə və s. xüsusiyyətlərinə bölmədan kitablarını yazan sevimli yazıçımız bununla bir çoxlarının rəğbətini qazanıb. Belə ki, kitabları əlinə alıb oxuyan hər bir oxucu özünün əksini bu kitablarda tapa bilir… Bir yazar üçün milyonların qəlbini qazanmaqdan artıq nə lazımdır?

Komanda Leo